Rreth nesh

Shëndeti është pasuria jonë më e madhe dhe, për ta ruajtur atë sot, na duhet shumë mbështetje. Përkundër zhvillimit të pandërprerë të mjekësisë dhe mënyrës bashkëkohore të jetesës, shfaqja dhe përhapja e sëmundjeve kardiovaskulare, kancerit, depresionit, demencës, alergjive dhe sëmundjeve autoimune, mbipeshës dhe gjendjeve të tjera kronike janë më të mëdha se kurrë në historinë njerëzore.

NaturaTherapy është kompani udhëheqëse në treg, e cila merret me zhvillimin, prodhimin dhe shitjen e suplementeve ushqimore natyrale, cilësore dhe novatore, të destinuara për mbështetjen dhe ruajtjen e shëndetit të njeriut. Si kompani e re, e themeluar në vitin 2019, duke ndjekur me përkushtim zhvillimin dhe strategjinë e biznesit, kemi zhvilluar mbi 80 produkte dhe kemi krijuar një markë me emër — sinonim i besimit dhe i cilësisë te konsumatorët — çka mundësoi përparim të pandërprerë dhe daljen në disa tregje evropiane, duke përfshirë edhe Shqipërinë.

Misioni ynë

Misioni ynë është t’i mundësojmë çdo njeriu, pavarësisht nga faktorët e mjedisit, trashëgimia gjenetike dhe mënyra e jetesës, të arrijë shëndetin e tij më të mirë dhe aftësitë e veta psiko-fizike. NaturaTherapy e arrin këtë duke ofruar produkte cilësore, të përftuara si sinergji e natyrës, e ushqimit, e vetive shëruese të bimëve, e shkencës bashkëkohore dhe e teknologjive.

Vlerat tona

NaturaTherapy ofron një nivel të lartë kujdesi për të gjithë përdoruesit e vet, të cilët i shoqërojmë në misionin e tyre personal për një shëndet më të mirë — duke filluar nga kuptimi i shkaqeve të vërteta të sfidave të tyre shëndetësore, përmes këshillimit të duhur, edukimit dhe ofrimit të produkteve me cilësi të provuar.

Produktet NaturaTherapy janë krijuar sipas formulave origjinale, kanë përbërje unike dhe efekt sinergjik në mbështetje të shëndetit. Ato janë suplemente ushqimore dhe nuk janë ilaçe; nuk e zëvendësojnë ushqyerjen e larmishme, mënyrën e shëndetshme të jetesës, as këshillën e mjekut.

Vlera jonë më e madhe është personeli ynë. NaturaTherapy bashkon një ekip ekspertësh me përvojë shumëvjeçare profesionale — dietologë, mjekë, farmacistë, teknologë dhe menaxherë të provuar në fushën e menaxhimit, marketingut dhe marrëdhënieve me publikun — të bashkuar dhe fort të përkushtuar ndaj misionit të kompanisë.

Qasja dhe përvoja jonë në prodhim

NaturaTherapy është prodhues me bazë prodhimi moderne të vetën, të ndërtuar në qytetin e Shtipit, në të cilën janë vendosur standardet ISO 22000 (me HACCP) dhe GMP për cilësi dhe prodhim. Ne ndjekim pandërprerë zhvillimin e teknologjive të reja dhe investojmë në vendosjen e linjave moderne të prodhimit që përfshijnë të gjitha format e produktit përfundimtar. Zotohemi të sigurojmë përbërës të standardizuar, të patentuar dhe të markuar (ekstrakte bimore, vitamina, vajra dhe lëndë të tjera të para) me cilësi dhe siguri të garantuar.

Ekipi i ekspertëve të NaturaTherapy

Ekipi i NaturaTherapy përfshin mbi 100 persona, të cilët janë të përkushtuar ndaj realizimit të objektivave të vendosura dhe ndaj misionit e vizionit të kompanisë, të udhëhequr nga:

• Jasmin Ramkovska — Drejtor operativ
• Iris Ramkovska — Drejtor operativ
• Sashko Drvoshanski — Menaxher për zhvillimin e produkteve dhe trajnimin
• Dr. Ante Poposki — Menaxher i marketingut mjekësor dhe farmaceutik
• Mervin Bislim — Menaxher eksporti
• Simona Ristevska — Drejtuese e qendrës së shitjeve dhe shërbimit ndaj klientit
• Sibel Shabani — Menaxhere e mediave sociale
• Amel Amed — Menaxher marketingu dhe dizajni
• Sumeja Koka — Menaxhere e produksionit dhe marrëdhënieve me mediat
• Kristina Perovska — Drejtuese e rrjetit të qendrave të shitjes